Коучинг – тәлім ету, дайындау,жаттықтыру,бұл әріптестердің жаңашыл, белсенді және жасампаз өзара әрекеттестік үдерісі. Коучингті өткізер алдында мұғалімдерді толғандырып жүрген мәселені анықтау мақсатында сауалнама жүргізіп, тақырыбымды нақтылап алдым. Мнемоника әдісін сабақта пайдалануға бола ма? тақырыбындағы коучингтің түйінді идеясы: оқытуда мнемониканың кейбір әдістерін қалай пайдалануға болатынын үйрету. Осы тақырыпты таңдап алған себебім, өйткені мнемоника жаттығулары табиғи ассоциациялар жасау көмегімен есте сақтауды қамтамасыз ететін, жасанды түсініктер арқылы қажетті мәліметтерді еске сақтауды жеңілдететін ережелер мен тәсілдер жиынтығы болып табылады, яғни есте сақтау қабілетін дамытады. Мұғалімдерді бірлесе жұмыс жасауға бағыттау мақсатында «Ақшақар» ойынын ұйымдастырдым. Барлығы қызығушылық танытып, белсене араласты.
Сіз бір естіп,бір оқығаннан қанша сөз есіңізде сақтар едіңіз деп? атауларды айтып, қайталауын өтіндім. Суреттің 10 айырмашылығын тап тапсырмасында топ мүшелері суреттердің айырмашылықтарын табуға тырысты. «Мен сияқты жаса» ойынында есептегіш таяқшалар арқылы қарама – қарсы топтар кезектесіп, композиция құрды, келесі топ қайталап шығуы тиіс болатын. Ертегі құрастыру тапсырмасында қатынасушылардың тілегі бойынша тақырып таңдалды, бірінен соң бірі ертегіні тақырыптан ауытқымай жалғастыру керек болды. Ойын соңында қандай әсер алдыңыз? Ертегі құрастыру қиын ба? деген сұрақтар қойдым.Стикерлер арқылы бағаланып отырды. Түсіндірме ойынында берілген сөзді қимыл арқылы көрсету арқылы сөзді мұғалімдер тапты. Таныстырылым арқылы тақырыпты түсіндірдім, постер қорғауда осы әдісті сабағыңызда қалай пайдаланар едіңіз? сұрақтарына жауап берді.
Цицерон әдісі бейнеролик арқылы көрсетіп, есту, тыңдау, көру арқылы өзімізге керекті ақпаратты қалай жаттауға болатынын іс – тәжірибеде пайдаланды. «Плюс, минус, қызықты» жаттығуы бойынша ұнаған, ұнамаған, қызықты болған тұстарын жазады.Мектептегі коучинг мәдениеті ұжым мүшелерінің кәсіби дағдыларын, жеке қабілеттері мен талантын дамытуға және білім сапасын арттыруға ықпал ететін маңызды әдіс ретінде қарастырылатынын көрдім.